Ym 2018, gwahoddodd Trac Cymru grŵp o gerddorion ifanc mwyaf talentog Cymru i ddod at ei gilydd i greu Ensemble Gwerin Ieuenctid cenedlaethol cyntaf Cymru. Nod yr ensemble yw hyfforddi cerddorion traddodiadol ifanc 18 - 25 oed mewn sgiliau perfformio, a fydd yn eu helpu i gael gyrfa fel cerddorion gwerin proffesiynol yn ogystal â chynrychioli cerddoriaeth werin Cymru ar lwyfannau mawr. Cafodd y prosiect hwn ei dreialu gan Trac Cymru gyda chefnogaeth Cyngor Celfyddydau Cymru a’r Loteri Genedlaethol, ac, yn ystod 2018-20, gan y Colwinston Charitable Trust.
AVANC
Fersiwn gyntaf yr ensemble oedd AVANC. Daw'r grŵp hwn o bob cwr o Gymru, a chyfarfu'r rhan fwyaf ohonynt am y tro cyntaf yn ein cwrs gwerin blynyddol i bobl ifanc, Gwerin Gwallgo. O'r fan honno, mae'r ensemble yn cynnig cam nesaf i gerddorion sy'n hŷn na'r ystod oedran ar gyfer Gwerin Gwallgo, sef 12-18 oed. O dan gyfarwyddyd artistig Patrick Rimes a chefnogaeth tiwtor gan Sam Humphreys a Gwen Màiri, adeiladodd yr ensemble set o ddeunydd o ansawdd uchel yn ailddehongli cerddoriaeth draddodiadol Gymreig ar gyfer cynulleidfaoedd newydd a modern. Yn dilyn penwythnosau ymarfer llawn dop, aethant â’r gerddoriaeth hon i lwyfannau’r ŵyl gan gynnwys Cwlwm Celtaidd, Tafwyl, Sesiwn Fawr Dolgellau, Gŵyl Interceltique de Lorient, yr Eisteddfod Genedlaethol a Gŵyl Werin Hydref. Cliciwch ar y botwm isod i ddarllen mwy am eu taith trwy'r pandemig, o sesiynau datblygu sgiliau ar-lein i ymchwilio, creu a rhyddhau cerddoriaeth newydd.
Mae AVANC bellach yn fand 11-darn, sy’n cynnwys arlwy o ffidlau, telynau, chwibanau, gitâr, offerynnau taro, pibau, llais a dawns step, gan barhau i syfrdanu cynulleidfaoedd gartref ac yn rhyngwladol. Cewch y wybodaeth ddiweddaraf gyda nhw drwy eu rhaglenni cymdeithasol sydd ar gael ar eu gwefan www.avanc.cymru