Mae cerddoriaeth werin wedi'i nodweddu gan ddiffyg strwythurau sydd gan sectorau eraill, megis cerddoriaeth glasurol, theatr, opera neu jazz. Mae hyn wedi'i gwneud yn anodd i'r celfyddydau traddodiadol gael eu hystyried mewn penderfyniadau a allai effeithio ar sut y byddant yn parhau yn y dyfodol. Ganwyd Rhwydwaith Gwerin Ewrop (EFN) i ddatrys y diffyg hwn ac mae Diwrnod Gwerin Ewropeaidd yn fenter allweddol sy'n cyd-fynd â'r genhadaeth hon. Mae Diwrnod Gwerin Ewropeaidd yn cadarnhau pwysigrwydd cymunedau a thraddodiadau Ewrop ac yn cefnogi gwydnwch parhaus a gweithredu ar y cyd.
DGE 2025
I ddathlu Diwrnod Cerddoriaeth Werin Ewrop 2025, rydym wedi cynhyrchu cyfres o fideos sy’n arddangos caneuon, alawon a straeon Cymreig, gyda rhai o’r unigolion gorau yng Nghymru sy’n cadw’r traddodiad yn fyw; gwaith a gomisiynwyd ac a ariannwyd gan Lywodraeth Cymru. Gallwch ddod o hyd i’r fideo cyntaf yma, a’r rhestr chwarae lawn ar ein sianel YouTube. Rydym hefyd wedi creu rhestr chwarae ar Spotify o gerddoriaeth werin Gymreig, sy’n cynnwys caneuon ac alawon a ddewiswyd gan ein harweinwyr.
DGE 2024
Yn 2024, gwnaethom ymuno â’r sefydliadau diwylliannol Lowender yng Nghernyw a Culture Vannin yn Ynys Manaw i gynnig detholiad o alawon a chaneuon o draddodiadau pob un o’n cenhedloedd – pob un ohonynt yn ymwneud ag un thema: y môr. Mae’r cydweithrediad hwn yn eich annog i ddysgu rhywbeth newydd gan ein cymdogion Celtaidd – boed yn gân, yn alaw, neu efallai ychydig o iaith – ac i rannu’r hyn rydych chi wedi’i ddysgu gyda ni ar y cyfryngau cymdeithasol. Cliciwch isod am y sgoriau a'r geiriau, a'n rhestr chwarae YouTube yma!
