10 Mewn Bws

Daeth ein prosiect '10 Mewn Bws' â deg cerddor o gefndiroedd cerddorol gwahanol ynghyd i ymchwilio i'w gwreiddiau cerddorol ac i ailddehongli cerddoriaeth draddodiadol Gymreig mewn ffyrdd sy'n berthnasol iddynt hwy ac i gynulleidfaoedd modern. Teithiodd y deg cerddor o amgylch Cymru, gan ymweld ag archifau sain yn Sain Ffagan a chasgliadau cerddorol y Llyfrgell Genedlaethol, yn ogystal â chwrdd â rhai o 'gludwyr traddodiad' ac ethnomusicolegwyr Cymru, gan gynnwys Phyllis Kinney, Meredydd Evans, Arfon Gwilym, a Stephen Rees. Ysgrifennodd Polly March BBC Cymru broffil o’r prosiect yn ei blog, y gallwch ei ddarllen yma: Canlyniadau prosiect gwerin arloesol wrth lansio albwm a thaith.

Yna, mewn encil ysgrifennu wythnos o hyd yn Nhŷ Newydd, Llanystumdwy, buont yn cydweithio i ail-ddehongli’r deunydd traddodiadol a chyfansoddi gwaith newydd yn seiliedig ar eu profiadau yn ystod y cyfnod ymchwil. Daeth y daith i ben yng Ngŵyl Swn ar ddechrau digwyddiad World Music Expo (WOMEX) yng Nghaerdydd, dathliad amserol o brosiect blwyddyn o hyd llwyddiannus, ac o gerddoriaeth draddodiadol Gymreig mewn digwyddiad byd-eang. Aeth 10 Mewn Bws ymlaen i deithio eto yng Nghymru gan gynnwys cefnogi Cerys Matthews yng Ngŵyl y Gelli, a chyrraedd rowndiau terfynol Gwobrau’r Loteri Genedlaethol. Albwm cyflawn oedd y cynnyrch terfynol, a ryddhawyd gan Trac Cymru a Recordiau Sain ym mis Hydref 2013, a thaith o amgylch Cymru.

Previous
Previous

Dros y Ffin

Next
Next

Welsh Music Abroad